تحنـّي في مرّه لسطوره
وبين ايدك باسيب قلبي
يــدوب نــورك مع نــــوره
نـــور يفتح بيبان الكـــون
ويــــزرع ورده وزهــــوره
ونبني للهــــوي بستان
ماحدش يدنو من سوره
انا وانتي نــــزوره وبس
ماحدش غيرنا ح يزوره
ورده تقول هواكي جنان
وزهره تعطر الأغصان
نغنى ف يوم مع الكروان
ونرقص ويا عصفــــــوره
واقول باهواكي للعالم
مااخافش ظنونه وشروره
واقول لو حد يوم لامني
ادي قلبي اللي كان يوم بور
حبك شال في يوم بوره
ادي قلبي اللي كان مكسور
معاكي حس بشعوره
باحبك مهما قالوا الناس
يقولوا عليا ما يقولوا
.............
أحمد حسن عمر