إرسمى القلب اللى حَبك ع الورق
وإسأليه ..هو ليه تملى شاعر بالقلق
قلبى اللى متحير معاكى ف سكته
خايف عليه لتشغليه والنبض منه ينسرق
حسبى عليه من رمش عينك يجرحه
وصى عليه قلبك تملى يريحه
انا قلبى مش حمل العيون دى وسحرها
انا قلبى محتاج للى دايما يفرحه
لو يوم نادالك إرخى شالك وافردى
شَعرك الناعم ونامى جوه قلبى ومددى
وافتحى له الف سكه من الهوى
نفسى قلبى اللى هوى يوم يهتدى
إرسمى قلبى اللى حَبك إرسميه
ومن حنانك اللى زانك لونيه
واوعى سهم الحب يفلت من عينيكى
لا بإيديكى قلبى الاخضر تجرحيه
شيلى قلبى بين ايديكى من سكات
وافرشى له جوه قلبك يوم يبات
لو ها يصحى قلبى منك نيميه
ومن حنانك اطعميه سكر نبات
أرسمى قلبى اللى حبك ع الورق
وجنبه قلبك يا حبيبتى اللى انسرق
ووصلى بينهم بسهم من الهوى
ما هوصعب تانى يا حبيبتى نفترق
........
رضا ابو الغيط
وصى عليه قلبك تملى يريحه
انا قلبى مش حمل العيون دى وسحرها
انا قلبى محتاج للى دايما يفرحه
لو يوم نادالك إرخى شالك وافردى
شَعرك الناعم ونامى جوه قلبى ومددى
وافتحى له الف سكه من الهوى
نفسى قلبى اللى هوى يوم يهتدى
إرسمى قلبى اللى حَبك إرسميه
ومن حنانك اللى زانك لونيه
واوعى سهم الحب يفلت من عينيكى
لا بإيديكى قلبى الاخضر تجرحيه
شيلى قلبى بين ايديكى من سكات
وافرشى له جوه قلبك يوم يبات
لو ها يصحى قلبى منك نيميه
ومن حنانك اطعميه سكر نبات
أرسمى قلبى اللى حبك ع الورق
وجنبه قلبك يا حبيبتى اللى انسرق
ووصلى بينهم بسهم من الهوى
ما هوصعب تانى يا حبيبتى نفترق
........
رضا ابو الغيط