الشعر مش كلام .... بقلم الشاعر / رضا ابو الغيط

الشعر عندى مش كلام
او حتى حرفين ع الورق
الشعر رايه للسلام
أو تسبيحات للى خلق

الشعر فرض وفرض عين
على كل عشاق الحياه
زى الرموش م بتحمى عين
الشعر طوقى للنجاه
الشعر اشعر بالوجع
وأمسح دموع المجروحين
الشعر أطبطب ع الجدع
من غير ما يعرف ابقى مين
الشعر عندى مندره
اتجمعت فيها الحروف
مش كلمه فوق السندره
هربانه دايما م الظروف
م الشعر باانقش ع الحجر
كلام يلين قسوته
ولو ف يوم يبكى الحجر
تلاقى شِعرى سَكته
الشعر عندى كلمتين
متنطورين فوق جتتى
سا عات يخلونى حزين
وساعات بيبقوا فرحتى
..........
رضا أبو الغيط