مابتسأليش عن حالنا ليه
الذنب ايه
والديه كام ؟
العيشه نار نشرب مرار
نرفع شعار
الإحترام ؟
مين المعارض للنظام !!!
ايوب دليل
اسلوب جميل
نرضى بقليل
ونقول سلام
الحق فين
مين انعكس بعد اما دان
اصبح مدين ؟
ثورة منين !
ونهين !
لمين !
والأرض بارت م العطش !
طب نعمل ايه !
والحل فين !
والديب جعان !
والفيل بطش !
غاب اليقين !
حتى الأمين
خايف يقول
اخلاقنا فين !
الحرب بين المسلمين !!!
نفرح منين !
حتى التاريخ اصبح حزين !
الرشوه بين موت الضمير
بين الحمير
العدل خير
والخير قليل
حلمك جميل
لكن كمان همك ثقيل
جيل الشباب
قفل الكتاب !
عايش فى ميت حالة اكتئاب
خايف وعاجز فى الخراب
العلم غاب
والموت مابين شههقه وزفير
احنا مابين سطرين عذاب
وانتي مابين مليون غفير
مابتسأليش عن حد عاش
بيقول سلام من غير ثمن
يزرع معاك عدل وامان
يحصد شتات هم وفتن
........
ضياء الأدريسي