انا موافق نعيش احباب
وبينا ستاره من خوفنا
ويكفي ادق ليكي الباب
ونستر بالهوا كسوفنا
حبايب او نكون اغراب
مدام الحب في كفوفنا
لو اني في الهوا مقتول
بطعنه حب مألوفه
طريق القرب كان مقفول
لاشوقنا اللي بالزوفه
هتوه جوا الحنين والاه
وهسكن جرحي طوالي
ومش ممكن في يوم هنساه
لحد ما شوفه يوم جالي
ويمكن قلبنا تاني
يدق بنبضه المحياة
وتعرف تاني عنواني
ويلقاني في يوم والقاه
...........................
هاني عبد الوهاب