اقبل الموضوع بثورة
حتى لو كان انقلاب
هيا طبق الأصل صوره
احنا بنحب الخراب
احنا بنحب التشتت
والتناحر
والنزاع
احنا بنضحي بتاريخنا
احنا أعداااء النجااااح
كل احلامنا الدنيئه
دنيا فانيه بالخداع
اقبل الأمر بأمانه
كلنا فى وش الرياح
انت عايز تبني بيتك
حتى لو من مال حرام
انت خايف غدر بكرا
ترمي سيف الأحترام
انت مش محتاج ادله
انت شاهد والسلام
انت مش ح تكون برائه
طول مافينا الإنتقام
ارضا بالمكتوب وعيش
كلنا فى الشدة جيش
مش ح يطلع لينا ريش
طول م بنخاف الكلام
هيا قالت لك حبيبي
وانت بيبي فى الصعيد
كنت ماسك فاس جدودك
دم مصري فى الوريد
احترم نفسك معاها
ام ميت مليون شهيد
لو فى ايدك خير تعالى
ابني بلدك من جديد
هات اديك من ناب غرورك
قم بدورك ف الحياه
مش ح ينفع كل واحد
منا يمشي ف اتجاه
............
ضياء الأدريسي