عدت علي عيني صورتها
ما اعرفش ازاي حبتها
مع اني قفلت طريقي
اتاريني نسيت سكتها
*****
مين اجمل في لاتنين ؟
الصوت والصورة حلوين
والاجمل من ضحكتها
لو نظرت ليك بالعين
*****
خلتني نسيت قرارتي
واتبدل شكل حياتي
ديما سرحان وليلاتي
بسأل سكتها منين ؟
*****
واقف لساعات ع الامة
بعزيمة وشوق و بهمه
واما بتخرج علي قلبي
مقدرش اقول ولا كلمة
*****
اتمشي شويه وراها
يمكن يلمحني هواها
وبروح وارجع ولا مره
التفتت ع اللي وراها
****
مرت ايامي وفاتوا
والقلب سجين في سكاته
وكفايه عليا خيالها
رجع للقلب حياته
*****
هاني عبد الوهاب