جوا منى...قصيدة للشاعرة / عزيزة على

جُوا مِني حاجات كتير
اي بنت تحِس بيها
مِنها فرحة
مِنها دمعة
مِنها خوف
مِنها رُعب من الظروف
مِنها طفلة عَبيطة جداً
مِنها رَعشة
و مِنها شوق
مِنها رَغبة فــ الشروق
جوا مني نَبض حي
نبضة للحُب اللي رايح
نبضة للحُب اللي جاي
جوا مني أحلى دوشة
مِنها ضحكة
منها لِعبة
منها شئ يحتاج مُناقشة
جوا مني حاجات كتير
لو تفكر فيها تتعَب
و اللي يغلِب جوا مني
هوَ ده بَس اللي يكسَب