قلبى...... مات
وف صفحتك
لفيت قريت كل الحاجات
ونسخت ع الهارد الصور
والفيديوهات
لملمت حتى حروف سكاتك ف حكايات
وضغط ميت مليون لايك
والشير كتير
شيرت كل الزكريات
وسمعت منك كل تفصيله ف حياتك
وعرفت انك زيي خالص وف حلاتك
ووشوش صحابك شفتها
وغرت منهم كلهم
مش بس من صور البنات
و ف وسط آخر بوست ووشوش
شفتك مبتسم
والتاج ندانى وجانى علشان ابتسم
وجريت قريت التعليقات
مش دنجوان
لكن كمان
محبوب قوى وكبير قوى
فاتح فقلبك ميت مكان للامنيات
وقعدت ادعبس جايز امسك
بت حلوه ولا حتى كلام غزل
بصيت لقيت كومنت بيقولك عسل
قررت اغير واطير ع الخاص واعيط
بس طب على ايه ح اعيط
منتا فعلا و بصحيح زى العسل
وانا لو مكانها انا كنت اعلق زيها
يا اااااااا بختها
واستنى ردك بالساعات
ولقيت بعيد هاشتاج
مجمع فالصور
شفتك هناك ملاك بتصرخ مالالم
مرتدش اصدق ان عندك حب فات
وغصب عنى ازاى لقيتنى
فرحت ان الحب مات
وعدلت وشي ولمت نفسي
عشان ظلمتك
منا هبقي حضنك وابقي سرك وابقي مامتك
وازا كان على الفيس نمسحه
طيب خلاص مش همسحه
لكن هقولك
الباس بتاعك يبقي اسمى
وبعده اسمك
وانت قولى حبيبتى حاضر وفسكات
ونحط على صوره الكفر صورتك حاضنى
طيب خلاص من غير زعل
صورتك وصورتى
واستايت بسيط يقول
خلاص خلاص خلاص
قلبك معدش خلاص اكيد هيساعى ناس
وهحط صوره لنونو شبهك بس شبهى
وستايل
والبيك بتاعتى تبقي هيه البروفايل
وهنقرا وانت ف حضنى بس الاعجابات
وفقت مالتدوير
على رنه جرس
عالوتس كاتب قطتى
ففتحت قلبي وصفحتى
وقلت اسيب الفيس واشوف الوتس جايز
فكرنى بس اشوفه يمكن برده
عايز
تدوير ولف ولا
برده هنمسحه
انا اصلى بعشق تبقي بس ليا انا
انا مجرمه
وعارفه ان نص كلامى بس هيعجبك
ايوه الشجاعه خدتنى
ايون هتعبك
من كتر حبك سقت قلبي يغلبك
خلاص بقي
انا قلبي وحش
انا قلبي مارد
انا قلبي مات
...............
نيفين الطويل