و فتحتلك قلبي إدخلي يلا فـ سلام
و إنتي إللي واقفة ع البيبان
الكلمة علي طرف اللسان
الشوق ظهر في عنيكي بان
إيه يمنعك ؟
خايفة إني ما أقدرش أسمعك ؟
طب خايفة ليه إني اخدعك
دا أنا قلبي بحار في الغرام
فات مركبه و في عنيكي نام
الضرب في الميت حرام
طب ليه نخاف
القلب ليه صابوا الجفاف
ليه تدخلي في سنين عجاف
دا أنا إللي كاتب 100 ديوان
و عنيكي كات صورة الغلاف
داري دموعك في الوداع
أمرك مطاع
هرحل و أغيب
و أنساكي قدر المستطاع
يلا إبعدي لو تقدري
و إرميني في بحر الضياع
من غير سلام
إنتي إللي موتي الكلام
...............
بقلم .. مصطفي تيسير