وفى اسمــاء بنخســــرهــا
وفى اسماء ما تحــرمهـاش
عـيـونــك لـمّا تخـتـارهـــا
وفى اسماء مابنطيقهـــاش
ولا بنحب منظـــــرهـــــا
....................
وفى اســمــاء بـنـتـبــاهـــا
ونفــــرح واحنا ويـــــاها
ولما تغيب بنستفـــســــر
ونسأل ايه اللى أخـرها
..................
وفى اسمــاء بنلقاهـــا
ف وقت الشـدّة ويـــّـانا
ونشعـر صدق جـوّاها
بنهــــواها وتهــــــوانا
وفى اسماء تـــقــــدّرنا
وفى اسماء نقــدّرهــا
........................
وفى اسماء ما بنزورهاش
بتكـــره حتى زوارهـــــــا
وفى اسماء ماتستجــراش
تعـدّى من قصاد دارهـــا
وفى اسمــــــاء بـتـتأثــر
بكلمــــــة لــو تصـدرها
......................
فى اســــماء بترتــاح لك
فتفضىى بكل اســـرارها
وفى اسمـــاء بتفتـــح لك
قلوبهــا ؛ إوعى تكسرها
وفى اسمـــاء بتفــرح لك
فى كل مناسبة حضـرّها
............
وفى اسماء نبيعها بلاش
عشــــان الكبر غــيّـــرها
وفى اسماء وفى اسمــاء
ما بنملـّـش فى تكرارها
............
أحمد حسن عمر