قرار الاعتزال ...بقلم الشاعر المبدع / مصطفى تيسير

 

قررت أحدد موقفي و أخد قرار الأعتزال
لميت دفاتري و الورق ويا العزال
جمعت كل مشاعري من فوق الرفوف
و غسلت إيدي و إتشهدت علي الحروف
كل الجمل وقفت قصادي في الصفوف
تترجى فيا إني أبعد أي خوف
لكني و بدون إنفعال
و بدون مراوغة و إفتعال
جوايا 100 مليون سؤال
و ما فيش جواب غير الألم
جوايا كامن كام ألم
قطعت بإيديا الورق
كسرت بإيديا القلم
وزعت كل قصايدي بالتساوي ع العيال
و جريت علي المنديل أنشف دمع سال
أصل إعتزال الحرف فوق الإحتمال
لكن علشان أقدر يعيش
و عشان قصايدي ما تساويش
قررت أعيش أنا في الخيال
فكان القرار بالاعتزال

بقلم .. مصطفي تيسير