الى كل ام متوفاه والى كل ابن توفى الله امه
ومات الحب من بعدك
وحلاوة دفا اللمه
ويشكى لسانى فى بعدك
حرمانه حروف يامه
يااغلى اسم يايومه
وطعم البوسه فى جبينك
ونظره من ضيا عينك
عيونى بيسالوا فينك
وفين الحضن والضمه
يااغلى اسم يايومه
بساطه وطيبه مالاقيها
ودنيا زاد ماسيها
بهجرك ياحنان ليها
هجرنى العشق والهمه
يااغلى اسم يايومه
وطول بالفراق ليلى
ماهو انتى كنتى قنديلى
وخاصمتنى مواويلى
يا اصل الحرف والكلمه
ياغلى اسم يايومه
فى اول ربى م خلقنى
لصدرك يامه شوقنى
ولو دمعى هيسبقنى
لسانك التقيه سما
يااغلى اسم يايومه
...........
احمد عبد الوهاب
ابن بيرم