كل شئ فى الدنيا ماشى بشكل عادى
سُنِّةْ الخالق فِـ خَلقُه قانون إرادى
وانتَ أحسَنلَك طَبيعى تِبقَى راضى
مَهما شُفُت الكون بِعينَك راح فِـ وادى
والنظام اللِّى اتخَلَقبُه كان فِـ وادى
ناس تقُولَّك جايَّه صُدفَه وحَظ بادى
والعدَالَه رايحَه لِيه فـ صَفّ اﻷعادى
والخَلَل واضح قُصادك فى النُّوبادى
بَردُو مَتشُكِّش وقُولها : دَ اعتقادى
اﻹيمان بالله فِـ قلبى هُوَّا زادى
مَهما يِحصَل بَردُو عَـ المَولى اعتمادى
قَدَّر اﻷقدار بِحِكمَه عشانُه هادى
فَاللِّى يِنكِر قلبُه فاسد ،عَقلُه فاضى
والزمن واخِد مَسارُه بلُون رمادى
مش معاك ،ومَكانش ضِدَّك ،كان حِيادى
وانتَ مش مُجبَر تِصدَّق دِى ولا دِى
أصل فِكرَك فِيه مُرونَه مش أُحادى
فَاتِّهِم قَلبَك وخُدها بالتَّراضى
دَ انحرافُه حَمل كاذِب ..افتراضى
..............
حمادة_البهلوان