تصدقي لو قلت لك
اني بجد باحن لك
يادوب دقايق تبعدي
الاقي نفسي اشتقت لك
هو انتي ايه غير البشر
وفيكي ايه بيشدني
خلاني افوت كل البشر
ولا غيرك انتي يهمني
واما بهمسة بتندهي
أقول ياروحي اطمني
د انا سبت نفسي ودنيتي
علشانك انتي وروحت لك
ويادوب دقايق تبعدي
وبالاقي نفسي اشتقت لك
***********
يانجمة طايرة في السما
يابدر لما بيكتمل
ماتصدقيش لو قالوا يوم
هاتاخدني غيرك وانشغل
وازاي هاودع دنيتي
وانتي الحياة وانتي الأمل
ماتصدقيش د انا باعشقك
افتكري لما انا قولت لك
يادوب دقايق تبعدي
وبالاقي نفسي اشتقت لك
............
محمود الشريف