**********
انا مش بابكى من صاحبى
اللى ورانى هدوم العيد
ولا بابكى عشان صاحبى
اللى بين عيلته لاقيته سعيد
انا بابكى عشان أمى
اللى سابتنى ف حياتى وحيد
يعدّى العيد على المخاليق
وانا مابشوفش ابداً عيد
انا دموعى ماهيش ابداً
للبس جديد
ولا ع الفرح
لو ينسانى بالتأكيد
انا بابكى عشان أمى
كانت لى العيد
فمين غيرك
ح يمسح دمعتى يا أمة
ومين غيرك يمد الإيد
وفين الحضن واللمة
وفين أشرف وفين تغريد
انا بابكى وانا عارف
بإن بكايا مش حيفيد
انا بابكى ومش شايف
يا أمى العيد !!!
................
أحمد
حسن عمر
10/9/2016