************
قلت لها
سمّى نفسك
زبــيدة
أو ســــــهـــــام
وامّا
اسلّم عـليكى
على طول
ردّى السلام
وإيّاكى
تغيبى عنّى
ياحبيبتى
وطمنينى
والله
عشان عيونك
ما بقيت
أعرف أنام
.....
لو
فاكرة ان بُعدك
خلاكى
مش معايا
احب
ياستى اقولك
إن
خلاصة الحكاية
إن انتِ
جــوة منّى
فى صحوى
وف المنام
......
بابعت
قلبى اللى عاشقك
يروح لك
كل ليلة
ويجينى
ويحكى عـنـّـك
ويقول
إنك جميلة
وإحساسك
هو... هو
وكمان
آخر تمام
......
عارفك
عايشه ف كسوفك
ومــقــــدّر
لك ظـــروفـك
نفسى
اجيب لك هـدية
وابنى
لك أحلى غـــيّة
بستان م
الورد صافى
ومعــاه
بُرجين حمام
..........
حــيــــاتى
حــلـوة بيكى
وبيملاها
الرضا
مبسوط
وانا بين إيديكى
سعيد
بالشكل دا
ح ابعت
لك قلبى يفرح
بس ابقى
هاتيه اوام
............
وكل
اللى يلوم علينا
اية
يعنى ان حتى لام
قولي له
الحُب نعمه
وهدية
من السما
ايه ف
الدنيادى أحلى
م الحب
وم الغرام
.................
أحمد
حسن عمر