يا تري
بتحس لسه بغربتك
لو ليله جاع جارك
لساك بتقسم لقمتك
والحيطه من دارك
واللا الحياة توهه
والسكه مشبوهه
والحلوه نسيتوها
مفضلش غير نارك
يا صاحبي يا مسكين
ايامنا راحت فين ؟
نسيتني أبقي مين ؟
صاحبك في مشوارك
أرض البلاد تشهد
رمل الصحارى اتعد
ولما حيلنا اتهد
قدمت اعذارك
ازاي يا صاحبي تخاف
كل اللي بنا خلاف
دي مركبه ومجداف
راح ترسي بينا لفين
وانا و انت مش اعداء
نفس الشبه واللون
كل الخلاف اسماء
واللي انكتب هيكون
اياك تكون سيفهم
الطعنه راح توجع
او يوم تسئ الفهم
لو عني راح تسمع
انا وانت مش خصمين
انا وانت مش خصمين
..............
هاني عبد الوهاب