مكسوره ليه ..
يابنت حى الدنيا
ليه ساكنك الم
مجروحه ليه ..
ليه اتختم
على قلبك انه يتظلم
مين السبب..مين اللى جانى
ابن الزمن؟ولا القرار
ولاعلى قد القدر صبح المرار
ايه اتكتب؟جوه الورق تحت الكتاب
الرعب اللى ف الدولاب
ليه الآلم ساكن ضلوعك والعذاب
قلب اتسجن والوعد رافض لاقتراب
تحت الترااااب كات بسمتك
ليه القلم رافض تفاصيل فرحتك
ليه السفر مانع تآشير عودتك
وليه الوجع دارس طريقه لدمعتك
وانتى كمان مستسلمه
صاااابك عمى
ايه اللى صار.. وايه جرى
علشان تعيشى كل ده
ليه الوجع بالمسطره مظبوط كده
مش هو ده ..مش هو ده كان حلمى لأ
ولا هو ده الفكر اللى يوم ليه قلبى دق
ولا ده طريقى ..ولا كان صديقى
ولا كان ف بالى يوم باطل يدبح ف
حق
ولا كان ف بالى الوقت يوم يمشى بزق
ولا كنت عارفه..انى هاموت م الخوف واتدارى
بقلق
ولا ان يوم يتحرق حلم رسمته عالورق
ولا جه ف بالى ان حياتى تتسرق
ولا انى يوم احلم ببحر القى الغرق
......
يابنت حى الدنيا ليه مكسوره ليه
جاوبى عشان قلبى اتوجع من كتر مانتى مسهمه
قولى عشان شوفتك بتشكى للورق خلصتى كل الأقلمه
اوعى تخبى..وبلاش سكات
القطر فات
فاتت محطة دمعتك..وضناك مات
مابقاش ف حاجه تسكتك
فوقى بقى..واستقبلى فرحه جديده ف حتتك
يابنت حى الدنيا ليه مستسلمه
الحى ضلّم..خلى
حوارى الحته يملاها السرور
واستقبلى جيران جديده م الامل
ابشرى......
يابنت حى الدنيا... حلمك اتقبل
........................
أميرة ابو النجا
كليوباترا