ياللى غرامك شهد وسكر
كل كلامك مسك وعنبر
تبعد عنى ...تقرب منى كدا أو كدا رح احبك اكتر
تبعد عنى يزيد الشوق
تقرب منى أغيب وأفوق
روق كدا ياحبيبى وروق
ليه مكسوف عن حبك عبر
بوح بالحب وليه تداريه
من دى الدنيا هاتاخد أيه؟
كل حبيب بيبان فى عنيه
أصل العين فضاحه بتظهر
لما تبوح لى بأى مشاعر
أنا باسمعها نغم من شاعر
قلبى ساعتها بيكون شاعر
أن هواك جوايا بيكبر
أصل غرامك من نوع تانى
مجنى عليه مع أنه الجانى
عايش فيه انا كدا وحدانى
من نوع نادر مابيتكرر
.................
احمد عبد الوهاب ( ابن بيرم)