وبح الصوت وضل نداه
وآه ورا آه بيستنى
لشوقهُ رد
ماعرفوش حد
وكان مولد
ف لحظة انفض
كهارب نور بتتسرسب
وليل بيمد
وكان إنسان ف عز البرد
وكان البرد
متعافي
حليلهُ النوم على صدري
وكان صدري
حنين صافي
وفارش نبضه ف ضلوعي
ما بين عطشي وبىن جوعي
ف أطرافي
وكان الحمل ف كتافي
صدى بيعد
أمواجي
وكان للنبض لون عاجي
وحبات عقد
وانفرطت
آهة ورا آه
ف ليل بيسد أنفاسي
وكراسي
ورق فاضي
كأن الشوق ماهوش كافي
يقيد شمعة ف قلب ميدان
وكان ...إنسان
وكان ...إنسان
.........
محمد البنا