جوه ف قلبي حاجات كسراني
منها بعاني
حبه حزن وروح مكسوره
أحاسيس باكيه
خرده قلب وخرده روح
شوال روبابيكيا
ادخل واتمشي على رصيفي
بص شمال وبص يمين
تلقى بقايا شعور نفايات
حاجات وحاجات
حزن مسطر على باب قلبي
هم وذكري وفاقد بكره
كومه ماضي اليم علي جنب
وحطام قلب
روح ف الشرق و روح ف الغرب
اكوام حب
حب وضاع
وحب ومات
وحب عاش له ذكري وفات
ف كل مكان اسي واحزان
حتي دموع الحزن بتضحك
دا كان ياما كان
قلب بيحيا بفرح وهنا
بس زمان
........
خالد أمين شديد