انتى فين انا مش لاقيكى
ياللى حبك شكل تانى
يا ام ضحكة مجننانى
نفسى اوهبلك حنانى
والامان للسود عنيكى
انسى يوم نظرة حسود
واللى خان مرة الوعود
قلبى جايلك بالورود
احضنى قلبى بايديكى
دوبى قلبى فى حنانك
ليه بتبكى ع اللى خانك
د اللى ما يضحى عشانك
اوعى يوم يصعب عليكى
هو لو كان يوم حبيبك؟!
كان يبيعك أو يسيبك
عايشة ليه بعذاب ضميرك
فاكرة أنه هيراضيكى؟!!!!!!
صدقيني انسى اللى باع
وافردى للشوق شراع
يكفى م العمر اللى ضاع
كونى ليا انا كنت ليكى
انتى فين انا مش لاقيكى
........
محمد عبيد