و فى اول
فصل الشتا
ماتت
علشان ما تدفى
الارض
مريم
...وماحدش
يعرفها كتير
اصلها كانت
زى العصافير
اول ما الصبح
يشقشق
كانت بتطير
على لقمه
عيشها المره
و معاها السره
فيها كام شقة
عيش
على كام عود
جرجير
على حته
جبنه بمش
ولا تعرف مرة
الغش
ضحكتها المعجونه
مرار
مريم
قبل الشمس
ما كانت تطلع
كانت بتلم
القوارير
حسن ونور
و ايات
و عبير
نوار بيفتح
و فراش بيطير
و فى اول فصل الشتا
ماتت
مريم
مش فاضل
غير صوره
فى برواز
على ضحكه
من غير تفسير
على غنوة
كانت بتغنيها
كلام
من غير انغام
ماتت مريم
فضلت زى النخله
بتطرح
على قد ما تدى
على قد ما تفرح
حمامات الدار
وقفت فوق شباكها
علشان ما تودع
مريم
اخر المشوار
ماتت مريم
دبل النوار
دبل النوار
.............
أشـرف الشناوى