طمنيني بعد إذنِك
عاملة إيه فيكِ الحياة؟
عاملة إيه فيَّا الحياة؟!!!
ساعة حَق
وساعة زَق
وساعة ظُلم
وساعة آه
طمنيني عليكِ تاني...
إحكي من ثانية وثواني
كل شئ حلو وتمااام
الحمد لله والسلام
بس قلبي والخِصام
بس أصل!!
بس أصل!!
حِلمي ف الليل انْكَسَر
نِجم عُمري إنْحَسَر
كُنت باحلم
بالِّلي تايب
والِّلي عايب
والِّلي غايب فِ الحياة
تُوهَه فِ عيوني وقلبي
عايشة بين الآاااااه
وآاااااه
طمنيني طب كويس
قولت إنِّي بخير حقيقي
بس كان نِفسي ف طَريقي
اخطي علیٰ جِسر الحنين
أزرع العُمر بسنين
تُنبُض الأيام فِ عيني
بس قولت طمنيني..
قُولتِلَك إنِّي بخير
............
منى عبد الرحمن