افتحلك قلبى
ماهوش عاجبك
واقعد واحكيلك وابعتلك
مراسيل عن حبى واشواقى
القاكى تصدى وتنسينى
وكلامك يجرحنى فى قلبى
اصبر وادارى واخبى
يمكن القانى فى يوم جنبك
او مره تحسى فى يوم ذنبك
باحلم لو يوم بس تجينى
نقعد نتكلم نتساير
واسمع حواديتك م الأول
نضحك ونعيش تانى الفرحه
واغزل من قلبى ميتين طرحه
نسهر ونغنى فى مواويلك
تضحك وتدوب كدا عصافيرك
ويلف الليل يلعب بينا
وياخدنا لأجمل ليالينا
وارسملك مية صوره واكتر
ونشوف بقى مين فينا الأشطر
وأنام على كفك والقانى
واتغطى بأحلام وامانى
وياخدنى حمامك فوق شطك
واطير وياه فوق حواريكى
واجيبلك صبح ونجمايه
واعملك م الفجر مرايه
وياكى باحس بشوق ياما
سميتك فى العشق يمامه
انا عارف مهما الشوق ياخدك
هتجيلى فى يوم برضه لوحدك
ولا عمرى هالومك والا اعاتبك
بكفايه عليا انى بحبك
وكفايه اشوفك جوايا
ضحكايه بتطرح
فى حكايه
..................
اشرف الشناوى