أهو كدا ياجميل...ومالكش مثيل
يابو قلب يميل للحنيه
أحلف ياحبيبى مافيش زيك
الشمس تدارى من ضيك
لو عشت احبك دا كفايه
العيشه معاك حلوه هنيه
يابو قلب يميل للحنيه
الحب جميل .....ومالوهش بديل
حسب التساهيل والملاغيه
نورك للبدر دا ستاره
وكأنه بيدخل فى مغاره
وعيونك للحب أماره
لو عنها أغيب تنده ليا
يابو قلب يميل للحنيه
انت المحبوب ....وانا أصلى يادوب
فى العشق بادوب ...هو دوايا
بحبك ولا يوم أستغنى
يارسول ألهامى والمغنى
بنعيش أحلام وقت فراغنا
نحلم بحياتنا الورديه
يابو قلب يميل للحنيه
عاشق ولهان .....مغرم بحنان
وعليا يبان ....وانت معايا
لك روحى دايما مشتاقه
يابو وجه ملاك كله براءه
أشواقك دايما سباقه
لما تشوفنى تجرى عليا
يابو قلب يميل للحنيه
..............
احمد عبد الوهاب ( ابن بيرم )