دكتور أنا فعلا تعبان
و وصلت لحالة هزيان
مش قادر أمسك أعصابي
أنا بهرب حتي من أصحابي
محتاج أنا خاتم سليمان
أنا عاوز أبعد و أعيط
و الجرح دا لازم يتخيط
محتاج إني أرجع إنسان
دكتور الحالة بقت حرجه
و دموع العين ديما خارجة
و فـ زاوية قلبي المنفرجة
الضحكة الصافية بقت عارجة
أنا ماشي فـ وسط العميان
جوايا أنا مكتوم الصوت
و بفكر جد إني أموت
و الحزن بيفتح لي تابوت
و فـ قلبي أنا قايد بركان
و الحزن دا زي الإدمان
أنا زارع فرحة علي خدودي
و الدمعة بتطرح فدان
أنا حاسس إن أنا مش حي
و أساسا بكرة ماهوش جي
فإكتب لي روشته لأحزاني
دا الشمس ما بعتتش الضي
دكتور أنا فعلا تعبان
دكتور أنا فعلا تعبان
فدويني بسم التعبان
...........................
بقلم .. مصطفي تيسير