أنا الناسك
ومن ناسك
أنا ف العتمه وناسك
وراهب نفسه يتعبد ..
ف دير قلبك
يغازل نبض إحساسك
وواهب روحى جواكى
وبهواكى
سماكى تاخدنى للجنة
بساطك عايزه يستنى
ولو لحظة
عشان اشرحها ف كتابك
على جناحك..
تذاكر روحى كراسك
واهو قلمى
نقش اسمك
حروفك أغلى ما عندى
يسطرها بحبر الماس
ويبقى جزاتى تسقينى
آسى بعدك بنار الكاس
ماهو كاسك
وقضبانك محوطانى....
ف سجن الدير
أنا مش طير ..
ولا عصفور ..
ولا مجنون ..
ولا مسحور ..
أسافرلك واعدى بحور
يا خلق النور
وبدر بدور
ما هو انتى حورية الدنيا
هواكى زهور
أنا المتبتل الساخط ...
على الأوهام وطول ل ايام
أسبح ربى ف ال الكتمان
انا الراضى
وكان قدرى أعيش حيران
ومش راضى
أكون فاضى من الأحلام
وجوايا سواد وغيوم
وليل بيدوم من الأحزان
وبين أحضانك المرة
سيبنيى أغرق... ولو مرة
أدوب وأدوق عسل قربك
واشبع شهد أنفاسك
وليه فى الحب أنا المظلوم
أنا الغلطان على حبك
كمان حقك أبوس راسك
كمان حقك أبوس راسك
....................
أسامة عياد