مطلوب منى
أحب سنينى
وافرش جوَّه عيونى سمارك
واما يعدِّي سعادة طيفك
أفرد طولي سبع نخلات
والنجمات .... بعيونها الخضرة
ما بتعرفشى تخبِّي سماها
ولا بتخطِّي حيطان الضيِّ
خايفة تشوف في عنيكى العتمة
زي ما قلبي داق الكيّ
قسوة قلبك
سرقت منِّى ..
ضلِّة عمرى..
وغنوة طيري م الملكوت
مش حيموت ..
على خد الشجرة طعم التوت
ولو حيفوت
ف يوم طيفك
هاشوفه ممات
أو حتى سكات
بيعافر يكون لى كلام
أو ذكريات
ف حلم تايه م المنام
أو نايات
تعزف آهات
على وهم عدى
قوام وفات
........
سليمان خطاب