أصعب شىء ..
إنك تقتل حب فى قلبك
تمشى طريق
واللى بتحلم بيه مش جنبك
فجأه تقوم فى الليل عطشان
قلبك كان بيفكر فيه
تلقى خياله فى كل مكان
انما هوه ..
ولا تلاقيه
تمسح دمعه بتهرب منك
تمسح..
ترجع غصبن عنك
عايز تهرب..
تلقى الذكرى بتجرى وراك
تيجى تقرب
تلقى الوهم بيستناك
روح تتكسر
جرح بينزف هوه الباقى
عقلك كل ثوانى يفكر
وبيعرض فى شريط سينمائى
لحظه بلحظه .. وعمر معاه
ضحكه وفرحه .. كانت وياه
فجأه بتطلع منك أه
بعدها تبكى تقول مش ذنبك
أصعب شىء
انك تقتل حب فى قلبك
.......
جاسر جمال الدين