و ليه بنحب ناس غييرنا
عشان مشاعرنا ينسوها
و ليه نترك أراضي الشوق
لناس تانية هيسقوها ؟
و ليه نبعد و نتفارق
و بنضيع سنين ف غياب
و نرجع تاني نتصالح
و بنسامح بلوم و عتاب ؟
و ليه ننسى اللي مش ناسي
و نفتكر اللي مش فاكر !
و نطعن قلب كان طيب
و بنلين ويا ديب ماكر ؟
و ليه بنخبي ف سنيننا
ذنوب محتاجة للتوبة
و بتبان ضحكة ف سناننا
حزينة بدمع مغلوبة ؟
و ليه كل اللي حبوا سنين
إتسابوا عشان صاينين !
و ليه كل اللي دابوا حنين
دابوا و كشوا زي قماش ؟
و لو تسأل عن العاشقين
تلاقي القلب فيهم باش !
و ليه ناس تتعب أمبارح
عشان بكرة يفارق حوتها سنارة
و ناس ترتاح على مسارح
و تفتح قوتها بستارة ؟
و ليه عايشين و مش حاسِّين
بكل اللي أحنا فيه من ستر ؟
بنتمنى الجحيم للغير
و ذل و خوف و طعن و بتر !!
......
هاني السيد