كنت سايب نبض قلبى
بين ضلوعك ف الامان
كنت بايع ليكى روحى
كان ف حضنك كون حنان
كنت باهرب منى فيكى
و ابقى بيكى حد تانى
حد شاف صورته ف ملامحك
صورة رسماها الامانى
كان لقاكى جنة صافية
فيها ضحكة و فيها ود
جنة على اد اشتيقانا
غيرنا ما بيدخلها حد
فجأة ضاعت كل حاجة
و القمر تاه و انتهينا
خوف سكن جوانا فجأة
و الدموع صاحبت عنينا
كل لحظة كت جميلة
اصبحت جوانا موت
الكلام الحلو كله
عندنا خلاه سكوت
شوفت فيكى حد قاسى
عمرى ما اتمنيت اشوفه
و شوفت فيا حد ناسى
انه مش رهن لظروفه
حد تاه و ف سكة ضلمة
كلها شوك او مفارق
ضاع طريق خطاويه عليها
و ابتدى يفكر يفارق
...............
فهمي علي نصر