عكس انكسار الحلم ف جبين السكات ..
عكس اللى بان م الكحل فى عيون البنات ..
عكس احتمال الذكرى لو عدت ..
نفس احتمال المستحيل ..
رخيت حبال العمر ف اتمدت ..
غنيت غناوى الصبر فى المواويل..
و بنيت جسور الفرقة ساعة الشيب..
وقصور هواك المستباح ..
من ضعفها اتهدت ..
فاضلك لسه كام يا غريب ..
فاضلك لسه كام نجمه ..
عشان تخضع لحكم الليل ..
لساك بتحكى عن الليالى و منتهى ..
موصوف دواك ف اللابراح ..
هذى بداية ما انتهى ..
حتى وان غفل الصباح عن الصباح ..
فاضلك لسه كام يا غريق ..
بتعد آخر شهقة ف الأنفاس ..
لساك بتدارى ف عكس الشئ ..
قاصد بيبان كل اللى راح ..
مغصوب تدوق مر اللى فات .. فى الريق ..
مبقيتش ترسم سحنتك برصاص ..
فاضلك لسه كام خطوة عشان تبدأ ف اى طريق ..
حبلت أشواق الحنين بفراق ..
أزاى بتحلم و العنين صاحية ..
و ازاى هتكمل خانة العشاق ..
ازاى بتحلم بالشتا من غير سحاب..
محفور سبيل الجرح ف الكتف الشمال ..
معنى السكات انك نويت الانسحاب ..
ده الكحل كان قاصد يداري الدمع فيها ..
مش قاصد جمال ..
مليت حكاوى القصد من كتر السؤال ..
هذا احتمال الغيث.. أم غيث احتمال ..
كتر الكلام ملك من غير ما تتكلم ..
فتلم باقى الذكرى و تسلم ..
حسس مكان أثر الوداع ..
و إلعن ابوه الجرح لو علم ..
هذا الذى اودعته وسط الحشا ..
أن تبحر الأحلام فى لج الضياع ..بلا شراع ..
أن لا سبيل لمن مشى ..
ألا تصيب القلب آه إن أطاع ..
ماذا دهاك ..!!
لن يسعدك حتما سواك ..
ف امدد يمينك للهوى. دون امتناع ..
اكمل خطاك ..
كل الذى قد كان منك .. وما أتاك ..
علشان مشيت ..عكس اتجاه ..
ف طريق مشاك ..
...............
صبري_بهوت