ولأنك كلمه لأ
اللي إنتي تملي بترميها
من قلب شفايفك وتبوحي
ولأنك رغم الحنيه
بتهدي في طوب ماسك روحي
باتلهف علي كأس أحلامك
يحضن إيدي
وتكوني التاج من فوق رأسي
وتكوني الهمس في تنهيدي
مش عايزك كل يومين علي حال
أنا عايز رمشك يرسمني في عينيكي سؤال
أنا دوبت خلاص من حواديتك
ولقيتك شمس في فنجاني
فادفي كويس وإتمايلي
ولاقيني سبيل
أنا كل ما أخش في أحلامك
ألاقيني جميل
والصورة اللي رسمتك فيها
رسمتني كتير
والنور المايل علي كتفك
من غير تفكير
بيصحي الليل ويصحيني
فاصحيت علي صورتك مالقتكيش
الله علي صوتك
وأنت بعيد
زى إيدين العصافير الصبح
تصحي النور
ويزيد الشوق .. لو ما نادهكيش
أنا عاشق كل كلام قولتيه
وملامح قلبك بتحليه
وأتاري الموت لو يبعد ناس
بيكون علشان في قلوبنا تعيش
.................
الشاعرسيدعربي