فتحت باب الأمل
ضحكت ف السما شمسي
وبدرِي لمَّا اكتمل
غنَّا النسيم همسي
يا عتمة يا معششة
جوَّا خبايا الروح
ماعادشي ليكى سكن
ما عادشي فيكى روح
انا اسمى منشور على شباكى
بيزقزق كما العصافير
وعمري طفلة بضفيره
منقوشة ف حلم حرير
كل الخلايق ف عينى
زى هدوم العيد
الفجر طالع للسما
ينزل مطر
ينزل وليد
يا كل حروف الوجع
يا متبته ف الآه
بحر جروحى اتملا
والقلب خلاص عداه
يا دنيا يا مطرّزة
بالورد والحنّة
كحلة عنيكى سما
والسحر م الجنّة
بًصِّي على توبي
فيه الربيع نعسان
مستنى نسمة صبيه
تدق ع البيبان
.....
سليمان خطاب