يا حتة حلوة جوايا
يا زاد السكة و الغاية
يا كعبة هاطوف انا بقلبك
و هاتشفع ب 100 آية
انا الواقف على راحتك
انا الحارس على اعتابك
يا ويله من يجوب ساحتك
و يتخايل بطيف بابك
يا ويله من يدوس ضلك
يشوفك يبتسم مرة
ما يعرف إن ليكى حبيب
بيحبس جن في الجَرَّة
و باشتاقلك كتير جدا
و ما بين كل ....
شوقة و شوقة باشتاقلك
و باكتبها
على نور القمر كلمة
على الغيمة على النسمة
على شباكى بعد الفجر
على دعوة في ليلة قدر
على شنطة و لد ع الديسك
على عطرى و ريحة المسك
في توكة بنت زى البدر
على كفوفي في ساعة ندر
على الشجرة على الجدران
بادوِّنها في كل أوان
و انا نايم .. و أنا سهران
باعيشها فْ دنيتى بيكي
( بحبك ) كلمة مالية الكون
و انا اللى كتبتها ليكى ..
.............
وليد المليجي