وجعتى القلب بفراقك
مفيش غيرك بيشتاقك
يدوب من كلمه قولتيها
دا أجمل اسم اسماءك
يااجمل حضن فى الدنيا
يدوب جرحى وف ثانيه
ياضحكه تهز احزانى
وترسمنى فى زمن تانى
وكنت معاكى باطمن
واشوف بكره بلون اجمل
ياشايله الحمل من بدرى
ومين بعدك عليه اجرى
وادق الباب فيفتحلى
وحشتينى قوى خالص
وحشتيني امل باصص
يدق فى وسط اوجاعى
يطبطبلى على دراعى
باشوفك ترجع الدنيا
ويطرح تانى ياسمينى
وليه الموت بيخطفنا
وياخد احلى اوصافنا
وياخد احلى مافينا
ومن غيرك يدفينا
وجعتى القلب بفراقك
وبشتقلك
وهاشتقلك
ومشتقلك
وهافضل عمرى استنى
واتمنى
اجيلك يامه واشكيلك
واحكيلك بقيت ازاى
بقيت يامه كدا لوحدى
اشوف صورتك اقوم أحكى
كأنك يامه موجوده
وايدك لسه ممدوده
ووخدانى على راحتى
..................
اشرف الشناوى