نفسى اضحك
بس ناسى
هوه شكل الضحك أيه ؟
نفسى فرحة تكون مقاسى
وحد فى الحزن التقيه
نفسى اضحك لما اشبع
نفسى اشبع لما اجوع
مالتقيش فى التتر يتبع
والكلام ينزل دموع
نفسى اشرب بهجة طازة
بؤ .. بؤ
قبلها الُق الأزازة
اوم تفور فاتندلق
نفسى ...نفسها مش كفاية
حلم جر ف ديله حلم
حتمى بتكون النهاية
فرحة طحن فى اى فيلم
وحاجه ايه
تتنظر
فانتظر
رجل على رجل فى كافيه
واللى هيرن اِعتذر
احكى للماشيين حكايتك
بس جود
من بدايتك قول نهايتك
وابقى حود
وارمى عالحظ التماسى
بس لما تلتقيه
نفسى اضحك
بس ناسى
هوه شكل الضحك إيه ؟
....
جاسر جمال الدين