مش هاسيبك تقتلى
اخر أمل فيا
او تكسرى الضى
اللى ساكن وف عينيا
مش هاسيبك
تفتحى الجرح اللى طاب
او ترسمى يوم ضحكتى
ناقصه النصاب
او تزرعى فيا
الوجع زى الهضاب
مش هاسيبك
تقفلى الباب اللى بينا
او تخطفى قلبى اللى غنا
مش هاسيب
الصبح فيكى يعدى تانى
مش هاسيب
الليل يدقدق فى الامانى
او ياخدنى الجرح
ولابعد موانى
مش هاسيبك
ترقصى وسط الغوانى
مش هاسيبك
تحبسى الحلم اللى طالع
واللى شاف الظلم
من لف الشوارع
اللى عاش جواكى ميت
اللى شاف فى عينيكى
ضله راح مبيت
مش هاسيبك
تلعبى تانى بعواطفى
تهزمينى فى عز فرحى
تفتحى من تانى جرحى
مش هاسيبك
ترسمى تانى الطريق
او تحاكمى
القلب وبتهمة صديق
مش هاسيبك
تفتلى تانى المشانق
او تبيعى الضى
من قلب الشرانق
او تسيبى الفجر
للى اللص اللى سارق
مش هاسيبك للديابه
يخطفوا النور م الغلابه
مش هاسيبك الا وانتى
واقفه تانى فى الامامه
صدقينى لو رجع
تانى الحمام
تبقى دى هى العلامه
...............
أشرف الشناوى