انا اللي ابعت
انا اللي اسأل
وانا اللي اشتاق
اذا غابت عيونك يوم
واسامحك برضة لو تتقل
واشوف مرك ساعات ترياق
واسامحك لو بديت باللوم
لكن باتمني نتحاسب
بكل صراحة نتعاتب
مين فينا اللي صان العهد
ومين فينا اللي باعت ورد
ومين فينا عشان بعدك
مادقش النوم
ومين جالك ومين شالك
ومين غايب علي بالك
ومين كان بعده يحلالك
ومين ظالم ومين مظلوم
بلاش تضحك علي نفسك
وتبكي بحسرة ف الصورة
تقول اني هجرت هواك
وانا اللي بجد مهجورة
وفايت هم فوق همى
وفايت نفسي مكسورة
ومشغول بس قولي بمين
وانا اللي عشقت نور ضيك
يادوب من نظرتي الأولي
وليه بتقول انا المسئول ؟!
وليه سايب فراقنا يطول ؟!
وليه بتقول قسيت زيك
وليه هجرك بقي بطولة!!
وارن عليك كتير جدا
ما بتردش
يا اما الشبكة مشغولة !!
فلو مرتاح عشان بعدي
فانا ح ابعد
وح انسي هواك واتعذب
واجرب وانت ح تجرب
نألف حجة مقبولة
ومش راح اقول فراقنا
لاجل اهمالك
ومش راح اقول
كمان مالك
واكون قاتلة
قصاد مني
وانا اللي بجد مقتولة
واعاتبك ليه
وباينة الدمعة فوق خدي
واقولك ايه
وانت اغلي شيء عندي
حاجات تتحس مش تتقال
ساعات الصمت لو بصرخ
بفول ميت اهه مكتومة !
.....
أحمد حسن عمر