قالوا صعيدي غشيم من يومك
كل كلامك دبش وطوب
رافض تمشي ويا الموجة
علشان توصل للمطلوب
قولت يا خلق الله مش طبعي
اشكر وامدح في المعطوب
عاوز اكمل سكتي عدله
ليه عاوزيني امشيها مقلوب
عمرى ما همشي ويا الموجة
راضي بقدري وبالمكتوب
مش طمعان تضحكلي الدنيا
ولا من مالها اعبي جيوب
طالب الستر وربك عالم
ربنا يا ابني رب قلوب
ايوه اقول الحق في وشك
مش راح اغشك
علشان منك اكون محبوب
ايوه صعيدي وده يشرفني
من كان فينا ما فهش عيوب
......
عادل شوقي إبراهيم