ما انا كنت عايش ف الوجع
بس الجفون ما فيهاش دموع
و حاولت ياما اكون جدع
خاف ع الطريق يعلن رجوع
راهن بآخر خطوتين
قرر يكمل بس تاه
مع كل احماله التقال
ما عرفش ينطق مرة أه
بس ف نهاية سكتة
أصبح مصاحب للسكوت
اتخلى عن حلمه و بكى
وطي لحاجات علشان تفوت
بس الحاجات قسيت اوي
و القلب قال انه انكسر
فبدأ يشوف الصبح ليل
بحر الأمل فيه انحسر
بقى ضحكه أقرب للانين
و كلامه خايف م الحروف
ف اختار يفارق حلم كان
ف الأصل ما بيعرفش خوف
...........
فهمي علي نصر