مشتاقالك ..اوعى تبعد لحظة عني
مشتاقالك .. ياللي عندي أغلى مني
مشتاقالك ..تبقى جنبي ف حضن قلبي
ده الحنان عمره ماكان كلمة وتمني
تسوى إيه ..لو يادنيا ادي له عمري
تسوى كلمة حب حلوة
تسوى بسمة تسوى غنوة
تسوى فرحة تبان عليه
تسوى لحظة ف عمري أجمل من سنين
تسوى تاج م الحب باين ع الجبين
يسوى ايه يا نبض قلبي
تمتلك أمري وعمري
وابقى دايما مشتاقالك
.....
لما تلقى اشتياقي بان عليا
ليه تفكر اشتياقي ضعف بيا
ده اشتياقي زي طير عاشق وليفه
لو ينادي يجيب له فرح الكون هدية
بسمتك فرحي وأمالي
دمعتك حرقة الآمي
صورتك الغالية ف عنية
لو ف قلبك دقة زادت
تلقى دقه ف قلبي نادت
اعرف إني مشتاقالك
....
عيني مابترضاش تشوف
غيرك انت ف كل حتة
واعمل ايه ده طبع فيها
قلبي رافض أي خوف
لما شاف صورتي ف عيوني
وبجفونك بتداريها
ع الجبين وع الكفوف
حبك انت نقشة غالية
فوق جبيني عايشة بيها
ياللي قلبك عاش لقلبي
لو انادي الشوق يلبي
مش حااخبي..مشتاقالك
........
أحمد أبو سديرة
https://althuraya65.blogspot.com/2019/04/normal-0-false-false-false-en-us-x-none.html