و تبقى شوارعي دبلانة
و حالف عمره ما يعدي
فتبقي التوهة سكناني
بتاخد بس ما بتدي
لا فجر يطل ف معاده
و لا بسمة ترد الروح
فبين دمعة و بين اهة
جمال العمر فجأة يروح
باكون شايف امل مخنوق
بيبكي بحرقة على حالي
ظنون تتطرح ف نفسي ظنون
و بكره يقول و انا مالي
انا اللي اخترت و بكيفي
اسيب الحلم ف كفوفهم
لأني كنت شاريهم
اتاري اماني كان خوفهم
فضلت اللعبة ف ايديهم
و راضي بكل ما يجري
طلعت الجاني ف الأخر
و جاهل اني حتى اقرا
مفيش ف القلب غير غصة
ف بحر و موجه كله آهات
وقعت ف ناس ما هيش حاسة
بغير الكذب و الحكايات
.....
فهمي علي نصر