أنا فى القرب .. مشتاقه .. أنا فى البعد مشتاقه
ومهما الليل يفرقنا .. مسير الحى يتلاقى
لأنى من زمان عاشقاك .. وبستناك عشان ارتاح
زرعت الورد فى الشباك .. زرعت خدودى بالتفاح
****
حبيبى وكل شئ قسمه .. يا قسمة قلبى وعنيه
أخاف يا حبيبى م النسمه .. عليك يا بحر حنيه
وأدعيلك تعود تانى .. يا ساكن جوه وجدانى
لأنى من زمان عاشقاك .. وبستناك عشان ارتاح
زرعت الورد فى الشباك .. زرعت خدودى بالتفاح
****
لا يمكن يا حبيب الروح .. أروح عنك بعيد أبدا
يا ماشى معايا فين ما بروح .. أنا عاشقه هواك جدا
وبافرح لما تخطفنى .. يا إسم جميل مشرفنى
لأنى من زمان عاشقاك .. وبستناك عشان ارتاح
زرعت الورد فى الشباك .. زرعت خدودى بالتفاح
.....
عبيــــــــــــــر الجنـــــــــدي