طب قربيلي و قولي ايه تاعبك كدا
مين اللي باع ضحكة عيونك للعدا
سامع دموعك جارية فوق خدك وجع
و انين ف قلبك و القناع بسمة رضا
خلوكي ليه رغم السكات صوتك انين
زرعوكي شوك و جراح بقسوة سفاحين
خنقوكي ليه و الفجر مات قبل الشروق
و انا فيا شوق رغم البعاد مليان حنين
يا حتة مني و الحياة براكي موت
يا صوت بيعلا لما يبقى الكون سكوت
يا صبح واقف من بعيد عشمان يبان
يا نهار امان حارب ضلام علشان يفوت
لساكي ف قلوب طيبة بستان صفا
و جناح بيحضن ناس كتير و يفيض دفا
يا نبض قلب المحتاجين لشطوط امان
عمر اللي خان العهد ما هيزرع وفا
........
فهمي علي نصر