زمان كان كل شئ طيب
و ناس للناس بدون تكليف
و حمل تقيل فناس بتشيل
فيظهر انه حمل خفيف
ايدين تتمد بالسندة
تحس انك وقعت لفوق
بشر حواليك ف ١٠٠ أزمة
و وقت الغرقة مليون طوق
بقت دنيا بتقسي كتير
و كل الخلق وخداهم
بيوت مقفولة ع الاوجاع
و أحوالهم معنداهم
اللهي ياللي فوق الكون
و مفاتيح الحياة بايديك
و أمرك هو كاف مع نون
و رزق الخلق كله عليك
ترجع روحنا زي زمان
و بكفاية علينا هموم
و صفي نفوسنا و اهدينا
صفا منك يعيش و يدوم
............
فهمي علي نصر