كان ســـــواد اليأس حالــــك
قبل مــا المح نـــــور عينيكى
أو تــهلــى أنتــى بجمالـــــك
يامــا نبضى بشوق نادى لـك
كان مُـنــاىّ أخــطـــر ببالــــك
------------------------
أيــــوه بــالــك بـــس انتــي
يا للـى من لحظـــة ما بنتى
قلبى قــال لى إنك حبيبتى
وابتـديت اشــعــر يـا بنتــــى
إنى نـــــوح وانك سفينتـــى
واللـى داخــــل بينّا هالـــــك
------------------------
أيوه هالك مهما أســـــــدى
ولاَّ نـــاور لـين وشــــــــــدة
أنسى حبك لأ دا ايــــه دا
مين بغيرك بس يرضـــى ؟
دا الـرجــوع ف الـحُـب ردة
وانـتى مين أو فين مِثالـــك؟
------------------------
عشت قبلـك عمـــــــر ادوّر
عن حوريـة بخـــــد مــرمـر
وأمــا شــاء ربـــك وقــــــدر
صدفة شوفتـك قلبى قـــرر
أبقــى انـا ف التـــو عنتــــر
وإنـــتى عبلــــة بنـت مالك
------------------------
مالكة عرش القلب وحـــــدك
يا للى بس بنظــــرة منـــــــك
خليتيـه خلانــــى أقول لـــك
دا نـتى لو م الحيـــــرة مهـرك
دوغــرى أجيبه ولاجل خطــرك
أرمـى نفسـى انا ف المهالـك
------------------------
نـَفسى إيـه ! نفسي ف وجودك
يا للى لـفـة خصـــــر عـــــــودك
لو نتنــــى بـلــــون خـــــدودك
عــومتني ف بـحـــــــر جــودك
عــلـمتني اكـــــــره حـاســـدوك
دوبــتنـــى ف طــــــرف شــالـك
------------------------
ـــــــــــــــــــــــــــــــــــــــــــــــــــــــــــــــــــــــــــــ
1- حالك : شديد السواد .
2- أسدى : أجزل وأعطى بغرض الإغراء والإستمالة .
3- نارو : راوغ وأظهر خلاف ما يبطن .
4- ردة : رجوع عن مبدأ أو عقيدة .
5- حورية : أسم من اسماء بنات الجنه.
6- التو : اللحظة ويُراد به التعبير عن شدة السرعة .
7- الحيرة : بلاد النعمان التى ذهب عنترة بن شداد ليأتى بمهر عبلة
وكاد أن يهلك فيها .
ـــــــــــــــــــــــــــــــــــــــــــــ
بقلم الشاعر :
أحمد عبد الشافى أحمد