صــايم دهـــــر -------------- بقلم الشاعر الكبير / أحمد عبد الشافي

الناس صيامهم شهـر
وأنا وحدي صايم دهر
تسألني دا ..! برغبتك

أضـحك واقـولك قـهــر 
--------------------
هتقول لي خاطرك بقى
رح ارد آه يـا شــقــا..!
يا حارمنى أشوف النقا
نـفـسي ف حـبة تــمـــر 
--------------------
تنـعــش وريــد انـكــمــش 
علشان مالوش ف البكش
ولا عُـمــره يـــوم انـقفش
إلا بـقـصــيـدة شــعــــر..! 
--------------------
مسكين رح أعـمل إيه ؟!
شــاعـــر قـراري يا بيه
ولا فيش ف جيبي جينه
  ولا حـيلتي غـير الصــبر
.......................
علي فقـر مُـــزمــن خـطـف
بعـض إللى عاشـوا بـشرف
وعـشــان يــزيــد الـقــــرف
ع الفقــــرا زاد الفقـــــــــر..!
ــــــــــــــــــــــــــــــــــــــــــــ
بقلم الشاعر :
أحمد عبد الشافى أحمد